YIWAN 的分享空間: Blog

小朋友Enzo 2years Birthday Party

Wed, 01 Oct 2008 15:44:55 GMT

Enzo Birthday Party 係在家中舉行, 仲請左個外國人來表演, 不過迪迪都係鐘意自己係Enzo玩具Room玩. 當日我才知原來Mega Box 有好多 Thomas 的Party用品, 下年迪迪生日都要Thomas做主提.

小朋友Kate一歲Happy Birthday

Tue, 23 Sep 2008 15:16:20 GMT

迪迪剛兩歲第一天上學

Mon, 11 Aug 2008 13:35:44 GMT

頭兩天媽咪陪上學, 星期三開始自己照顧自己了. 一切看似都好乖, 唔錯, 唔錯.

迪迪恩典滿載兩歲生日會

Sun, 03 Aug 2008 23:59:04 GMT

迪迪恩典滿載感恩派對

Tue, 29 Jul 2008 16:49:44 GMT

因我爸爸剛離去, 本應好多人都會覺得迪迪生日會要Cancel, 其實我媽媽生日8月1日, 迪迪8月2日, 我8月4日. 爸爸出殯8月6日.

我媽媽話都無撞日子. 唔通要唔開心過日子 ? 你爸爸都好喜歡熱鬧, 到時出門口時叫聲"老豆一起去生日會", 問你服未, 又問你怕未.

我好開心我媽媽好明白, 雖然我地都成日哭, 但都係出於思念.

出殯當日雖然係用傳統的中國人儀式, 但媽媽亦明白這是做給生人看. 無論如何, 我都好感恩神的看顧, 而且仲有出人意外的平安.

永遠懷念您的爸爸, 天家再見

Tue, 29 Jul 2008 11:12:31 GMT

爸爸終於走完人生的路程, 見到爸爸在醫院吟辛苦, 好心痛. 雖然院牧邀請他決志信耶穌, 但當時佢真係好辛苦, 佢好用力吟不停搖頭, 不停叫" 唔好呀! 唔好呀! 好辛苦, 好辛苦"

但係爸爸去前數個鐘, 我見到佢真係好辛苦, 不能呼吸, 我真不忍心, 我問爸爸, "爸爸你係咪好辛苦, 我同您祈禱, 我求耶穌接您走."

跟住我開聲祈禱: "親愛的天父, 我爸爸好辛苦, 求您用溫柔的手接他上天家, 天父呀 ! 我好感謝您比佢在地上的一切, 我好多謝您, 求您用溫柔的手接他上天家, 將來我們能夠在天家再見面, 多謝您呀, 天父."

其實之後我都聽到佢有兩聲微弱的呼叫"耶........耶......", 我相信他已經在天家了, 並再沒有痛楚.

晚上11:30回家後, 零晨4點多媽媽致電我爸爸已經無咗呼吸, 我馬上跑出街, 我一面跑一面跑, 我同神講"感謝主", 因為爸爸已經不用辛苦, 神聽我的禱告. 到醫院爸爸雖然沒有了呼吸, 但仍有心跳, 當我地四兄弟姐妹一個一個到叫他的時候, 心跳機顯示佢有明顯的反應, 我相信佢的靈魂還在.

我同爸爸講: 記住耶穌來接您的時候要跟佢走, 我地在天家再見.

你妻子在你的內室、好像多結果子的葡萄樹．你兒女圍繞你的桌子、好像橄欖栽子。 (詩篇128 : 3)

耶和華是我的牧者．我必不至缺乏。

他使我躺臥在青草地上、領我在可安歇的水邊。

他使我的靈魂甦醒、為自己的名引導我走義路。

我雖然行過死蔭的幽谷、也不怕遭害．因為你與我同在．你的杖、你的竿、都安慰我。

在我敵人面前、你為我擺設筵席．你用油膏了我的頭、使我的福杯滿溢。

我一生一世必有恩惠慈愛隨著我．我且要住在耶和華的殿中、直到永遠。(詩篇23:1-4)

迪迪兩歲生日會

Tue, 22 Jul 2008 16:06:07 GMT

好感恩我有個好可愛的仔, 迪迪快兩歲生日, 我今次為他舉行生日會目的真多. 為左有一個大的地方, 早半年我已經四出找心水地方, 因為上年9月份我有成6個親朋都同時生BB, 剛好今年佢地快一歲了, 所以好想佢地一起見面同玩玩, 而且加上以往認識的小朋友, 加起來都成20個BB, 所以今次我零晨3點走入珀麗灣會所排隊, 才可以Book到這個天色會所.

當日的節目真不得了, 會有我的感恩分享, 一起唱詩歌, 而且搵左"2QKids"幫我地帶Playgroup. 我相信這不單是迪迪開心, 相信個個都好開心, 希望一切順利啦 !

兩位愛主的小朋友

Tue, 10 Jun 2008 01:34:16 GMT

兩位社會未來的重要人物"Henderson 同 Edith"上台學習講道前放鬆心情的示範.

我的身體檢查報告

Wed, 04 Jun 2008 01:27:23 GMT

6月2日再次去驗肝功能同膽固醇, 姑娘話抽血無問題就唔會打比我, 如果有問題就三日內打比我, 我心想一定唔會打比我的, 因為我感到以前好倦好倦的感覺已經無曬,, HeHe 我仲買定D好似大肚的衣服, 又同D客講好快我又再大肚了.

點知6月3日下午姑娘便打比我叫我去見醫生, 我心想都打打個突, 無理由, 可能有些肝指數未落.

見到醫生, 佢話我的膽固醇比之前的利害, 之次7.2, 現在7.4, 再加上其它肝功能指數都唔合格, 而且上次無事的膽紅數今次仲唔合格.

兩個多月前食左膽固醇藥後去驗血係完全正常, 我又無好倦, 面色又好左, 但只不過食來食去都唔肥, 同時成日都比人話我又瘦左之外, 真係唔覺有問題.

其實當時我問醫生: 吟我係咪唔可以有BB ?

醫生話 : 係, (其實我都知答案了, 因為食住膽固醇藥係唔可以有BB的.)

當時我真係哭出來了, 不過我知神係最好的, 祂為我預備的都係最好的. 可能神認為唔係時候呢 !

Kathleen都話可能神要我身體好D，到時一次過有女的陳凱莉(神愛你），　同男的陳依晨（依靠神），　吟就不得了啦！

我對神係充滿信心，考驗應該Ok的

P.S.: 我同我亞媽講份報告好似考試唔合格吟，　好多紅色，　我亞媽看後話：又話好多紅色，都無　！

原來醫生比左份黑白的影印本我，　當然無紅色啦　！　He.

來自我認識的狗友, 必睇的狗結婚相片, 包你看得好開心

Wed, 21 May 2008 03:51:11 GMT

http://www.fotop.net/slideshow/CoffeeStudio/20080324

無良寵物店幫狗打針令狗死亡

Wed, 14 May 2008 01:58:56 GMT

無良寵物店幫狗打針令狗死亡

仔仔是一隻唐狗, 約在兩個月大時比人遺棄, 當時他全身, 四隻手指間及耳內充滿牛蝨. 但最嚴重的是, 他的男性生殖器都被人剪段了.
但興幸的是他最終被好心人收養, 還更被視作為主人的四少爺, 由幼犬飼養成一頭比金毛犬更大隻的一頭靓唐狗, 真是幸福到極.

很可惜5月10日的一個早上, 仔仔的生命就完全被改變過來. 因為主人帶了仔仔到沙田希爾X中心地下的國X寵物店剪毛, 因不知為何, 店員要求主人晚上六時才可接回仔仔. 當時是兩個工人去把仔仔接回家, 回家後各人也感到仔仔表現呆呆, 而且不想進食.

5月11日早上六時許, 仔仔已忍受不住, 一面嘔吐, 一面爬到主人房門, 用身體去撞向門, 希望主人知道他很辛苦. 當主人一開門便發現仔仔全身抽筋, 上吐下瀉, 真想不到本想令仔仔在夏季裡好過一點會變成害了他一生.

仔仔馬上被送到24小時的醫院, 可憐的他更出現兩次吐血的情況, 三天留院仍出現抽筋的情況, 醫生說他生存的機會只有一半以下. 唯一可做的是為他祈禱.

真的很明白為一頭大型狗剪毛是有危險, 但首先仔仔真的很乖很乖, 溫順無比. 假若店員害怕被狗咬可以不接受他, 為何要給他打針呢 ? 我們視他為兒女, 難道你的小孩去理髮同樣要給他打針嗎 ?

仔仔最終於2008年5月13日晚上死亡.

這晚仔仔留下最後一口氣等待着見主人最後一面, 但可惜的是這一口氣不足已維持更長的時間去看見全家人, 只能維持見大哥哥, 當見到大哥哥時, 護士把氧氣罩拿去, 他這一口氣是連同血一起噴出來. 就是這樣仔仔便了結三年多的生命.

這是仔仔小時候等待領養的可愛相片

亞吉1年半以來的不同造型設計

Wed, 30 Apr 2008 01:47:21 GMT

如果無影相, 都唔知原來一隻狗可以有吟多造型. 真不太相信自己可以比狗仔在髮型上有吟多變化. 當然吉爸都比左好多Idea我啦!

狗狗沖涼基本法

Tue, 29 Apr 2008 01:56:58 GMT

主人一起學習~狗狗沖涼基本法

http://ipet.i-cable.com/sub_page.php?cid=4&conid=1090&start=&page=

Cannis BB的造型

Sun, 27 Apr 2008 08:53:34 GMT

迪迪用Thomas電腦

Wed, 23 Apr 2008 01:28:18 GMT

Kathleen BB 不同造型

Sun, 20 Apr 2008 09:51:53 GMT

Tiara的6個造型設計

Sun, 20 Apr 2008 09:27:12 GMT

夏天來了

Fri, 11 Apr 2008 00:52:22 GMT

夏天來了, 要買個太陽眼鏡保護對眼仔先.

我的工作係有一位狗使者看守着

Thu, 03 Apr 2008 14:01:33 GMT

菲菲每一次總是要看看我為比比美容的過程, 菲菲的志願應該係一位真真正正的狗隻美容師, 相信她的努力係唔會白費的.

新工人都Ok

Mon, 17 Mar 2008 15:17:14 GMT

來左個新工人, 名字Bonnie, 都唔錯, 佢本印尼聖經都睇得好Old, 個人都好C文, 講野仲好細聲, 對我D聽覺有問題的人係有一定的困難. 可惜迪迪仲唔多接受佢, 見佢好似見鬼. 不過我相信佢地好快Build Up關係.

極之感恩, 我爸爸的淋巴瘤細左

Thu, 13 Mar 2008 16:02:01 GMT

創天造地的主, 你真偉大, 我一直為着地上的爸爸去禱告, 本來他的淋巴癌及肺癌到近尾期, 後來好多朋友及教友為他健康祈禱, 並且我亦向神祈求, 祈求他的病情能好轉, 因為我唔希望爸爸是在病床的時候去信主, 希望佢有力氣的時候去認識主耶穌, 因為認識主耶穌就是一份人生最好的禮物, 並且生命充滿喜樂同盼望, 總之真係數之不盡的好處. 希望大家也記念我爸爸健康同早日信.

為i-cable 作狗仔美容示範

Sat, 08 Mar 2008 00:54:33 GMT

今次美容示範係一隻比熊犬, 可上i-cable i-pet 看看

http://ipet.i-cable.com/sub_page.php?cid=4

第四十七回寵物旅行團之活於愛‧無限

Fri, 29 Feb 2008 16:17:11 GMT

活動安排

1)犬隻障礙賽及服從表演(日本障礙全國賽第二名的邊界牧羊犬Katie為我們表演)

2)金毛尋回犬阿柑主人與你分享.(阿柑是早前為保護同拌小狗,錯意把主人咬斷手的金毛尋回犬)
3)復活節與你詩歌分享
4)大抽獎

希望你也與我們一起參加這個有意義的活動. 報名請上 www.dogcat-service.com

迪迪同獅獅打波波~上集

Thu, 24 Jan 2008 00:56:16 GMT

迪迪同獅獅打波波~下集

Thu, 24 Jan 2008 00:55:05 GMT

我生病了, 但你與我同在

Mon, 21 Jan 2008 03:00:52 GMT

我再次不能不讚歎我的神, He is wonderful. 回想我一直有倦透的身體, 已經是一個很好的警號, 如果唔係我一位好姐妹"胃耳"同我講, "你睇吓你個樣幾肉酸", 加上老公要我去Body Check, 我都未真去實行.

報告出左, 原來我係肝酵素高, 加上謄固醇去到極高水平, 而且除時會一野死左. 如果我一直唔理會死左都唔知物事.

當中我看到我全能神的美意 :

1)神用我有倦透的身體來提醒我要休息, 而且沒有一野就取去我的性命. 因為醫生講半年內我係謄固醇最高的一位, 低我一度個男仔剛剛中風.

2)本來我一直困擾忙碌的工作不能抽空同我爸爸見醫生, 因為佢淋巴癌有可能不能再作化療, 所以我現在可以同佢見醫生了.

3)我一直計劃用加價去減少工作量, 而且在醫院時, 好久不見的Agent提意我要求客人自己購買寵物美容的用具, 吟我就不用帶吟多野令自己吟辛苦. 因為我一直都不想對客人作出要求, 最好笑的連我學生收費仲貴個我, 我總覺得我不是一個生意人, 因為我8成的客戶都成為我的朋友. 不過今次Agent的提醒的確是一件好事.

4)從我另一位好姐妹Matt的提醒: 你不好好休息, 神已經提醒你, 如果你不好好休息, 神咪好好將你的重擔取走, 叫你長休Law.

5)我亦可以多點時間見個仔同爸爸.

6)剛好星期日楊傳導講 : 人若賺得全世界, 卻喪了自己、賠上自己、有甚麼益處呢 ? (路加福音9章25節) 這是一個好好的提醒.

7)我一直都計劃新年後再懷孕, 名都改左, 女就叫"陳凱利"意思係"神愛你", 不過, 我吃的藥不能有BB. 要好左停藥才可以. 你話神係咪好勁呀 ? 神提我生命不是從我而來, 何時出生更不由得我.

好多人提意我開寵物店, 這不會吟辛苦, 但我享受同客人一路為他們的寵物美容, 一路同佢地有說有笑, 更把神的美好大能傳揚開去, 這是神給我的工作.

雖然我看似病了, 但神與我同在, 我相信沒有一個信仰能給人這份平安, 而且恩典充充滿滿.

第3屆全城狗先生及狗小姐

Mon, 14 Jan 2008 02:58:07 GMT

「全城愛寵迎金鼠」

活動日期：2008年2月23日(星期六)下午3時至晚上9時

地點：九龍旺角麥花臣球場

「第3屆全城狗先生、狗小姐選舉」- 下午7時至7時30分 (暫定)

名額：狗先生、狗小姐名額各10名，為公平計，每位主人只可擕一頭寵物出席 (額滿即止，本會將個別以電郵方式確認成功登記之參加者)

參加辦法：只接受於本會網上登記 www.hkcgp.org

費用：全免

奬品：狗先生及狗小姐奬項(各1名) – 各得由大會送出價值HK$500的精美禮品及Royal Canin送出的精美禮品乙份

所有參加者均可獲得由大會及Royal Canin送出的精美禮品乙份

集合時間：請必須於晚上6時15分正或之前到達會場 ─ 「香港寵物福利協會」攤位報到(聯絡：負責人/司儀陳綺雲小姐Yvonne Chan)，稍後安排有關採排，敬請合作。

競逐奬項：

第3屆全城狗先生及狗小姐奬項 (各1名)

參加準則及得奬標準：

· 主人與狗隻/貓隻/其他寵物均同樣需要裝扮，以符合大會主題(即新年氣氛或迎奧運)

· 評分標準將以狗兒的整體表現及樣貌為準則。

· 司儀將要求主人為狗兒抽一張咭 ─ 「自選動作表演」或「展示最靚的一面」。可愛及有趣的動作均可，但本會絶不建議特別設計高難度動作。