YIWAN's profileYIWAN 的分享空間PhotosBlogListsMore  |  Tools Help |
|
September 22 迪迪大個仔了自從我有了Eason的時候, 我覺得迪迪大個仔左. 聽話左. 起初有BB時佢都會要我抱, 但我話左幾次比佢知我有左BB, 迪迪就唔再要我抱. 當迪迪在我懷孕的時候又會為Eason祈禱, 又用一個紙Cup放在我的肚, 一個放在咀, 然後唱ABC比Eason聽.
其實 D人話大的會妒忌小的, 但真係完全唔覺得, 而且迪迪仲不知幾錫Eason, 仲幫手換片, 又照顧細老. 聽話左好多. 每日返學都會主動講: Bye Bye 亞娃, Bye Bye Eason.
你睇迪迪古怪左好多.
.jpg) .jpg) September 18 好經典的OK相.JPG) 因物樹 Eason食得好利害, 慢左小小就哭到全世界都起曬身. 11:30/ 2:30/ 5:50 明明加多左D份量, 佢都唔夠. 不過都係好事來的. 但佢晚上都係唔睡得好. 日間就睡魔急Call. 今早飲完奶搵到個好coner, 點知佢自己做 OK, 超好笑. September 17 小朋友教材分享以下只是我個人認為唔錯同必買給小朋友的教材, 其實唔一定要買D好貴的教材, 商務同大眾書局都有好多不同的選擇.
為使由BB到小朋友開始就喜愛學習, 做父母的就要比佢地有一個開心的學習環境同心情. 對我來說玩具要有教育性, 而最重要係父母要與他一起學習最為重要. 切記自由發展, 小朋友唔學就不要強迫, 慢慢來.
 商務同大眾書局都有好多不同的Puzzle, 兩歲可以開始玩. 約$35-$40
   商務同大眾書局都有好多不同的咭, 幾個月已經可以開始看. 只要數十元
 這一隻是詩歌兒歌, 係一班小朋友唱, 好輕怏, 好聽. 突破有得賣. 其實仲有一隻推介係小朋友讀聖經, 都係好好.
Barney 可以去書局買, 1歲半已經可以看, 教小朋友好多生活的野, 只係$48
  Toys R Us 買, 約$300. 小朋友1歲半開始已經可以玩的電腦, 主要學A-Z 大細楷, 又有不同學習方法. 真係必買. 迪迪歲半已經可以分到A-Z 大細楷.
 日本城同書局都有得買, 20幾元. 教導生活的事物.
 商務同大眾書局都有好多不同的練習, $12. 兩歲可以做.
 Toys R us 約 $70, 好平, 三種玩法.
 細書仔, 書局有售. 5個月已經可以比佢看.
 30多元, 商務同大眾書局都有, 內有CD, 唱好多英文短歌仔, 必買.
 商務同大眾書局都有, 內有CD同DVD, 約$68. 唱歌學A for Apple, B for Boy, 必買.
 唔洗多講, 必推介的 "Your Baby Can Read", 買左唔識用搵我.
 基督教書室有售, 每兩頁一個故事. 一家人一起看聖經亦係親子時間.
Eason 出院了.jpg) .jpg)
Eason BB 昨日上午出院了, 肚臍無曬事, Pat Pat仲有D D 難, 不過今日都好左好多, 多謝大家的關心.
Eason 3個星期大已經可以飲6.5oz, 其實都好利害, 但我亞媽同家姐都話唔好係佢面前講.
吟我咪話我望住Eason的時候真係講唔出"你個乞兒仔", 我唯有同佢講"你讀唔成書","你好樣丙", "你食吟小野".
點知亞寶好利害, 佢可以望住Eason講"你個乞兒仔", 吓 ! 嘩肉痛死我了. 佢仲要講多句"你無頭髮", 嘩 ! 做爸爸真係唔同, 亞媽真係無本事.
He He... 不過我地都係拿個仔來玩下, 我地都係鍾意正面教育, 小朋友才有自信同快樂成長.  September 12 依晨入院事件薄9月8日下午 :
發現Eason{樓計}, 唔似食完就睡覺的佢, 陪月Ming姐話佢肚臍紅, 又有分泌有D發炎, 看看明天如何再決定去唔去返健康院.
9月8日晚上 :
成日哭, 相信係肚子痛, 決定明早去比醫生看看.
9月9日一早 :
見左護士, 佢話小小發炎, 我要求見醫生. 等左2個多小時. 見到醫生, 醫生話肚臍不單發炎同有分泌物, 而且好腫, 怕D細菌由肚臍入血, 再入脊骨變成腦膜炎. 馬上寫信比我入院打抗生素. 當我行出去離遠見到我亞媽我已經忍不住哭, 因為吟細個就要受Lee D 苦.
9月9日中午 :
入左BB病房, 見到穿藍色服的醫生, 相信係學生或見習醫生, 佢話Eason的情況唔需要打抗生素, 如果係發炎唔單只係吟, 而且會有黃黃綠綠的分泌. 不過先抽血同取肚臍分泌物去化驗.
9月9日下午 :
護士同我講現在要打抗生素, 我話"吓 !頭先又話唔洗 ?" 佢話頭先大醫生來過話要打, 怕報告要等4-5日, 怕到時感染左就遲. 我問護士用什麼來洗肚臍, 佢話唔洗洗.
9月10日早上 :
事關肚臍比之前紅腫, 我便問護士, 有關洗肚臍的問題, 佢就用火酒幫Eason抺肚臍, 不過就話其實唔洗抺, 打針會幫到佢.
9月10日下午 :
我又問護士, 有關洗肚臍的問題, 佢話只會每早幫佢沖完涼就抺下肚臍. 我真係好無奈.
9月11日上午 :
驗血報告出左無事, 欠肚臍的報告. 見到穿藍色服的醫生, 我同佢講Eason的肚臍仲紅腫過入院前. 佢話同佢轉抗生素, 我要求比D野同佢洗肚臍. 佢先寫低用Salt Water 幫Eason洗肚臍. 同時亦發現佢個Pat Pat有點紅.
9月11日下午 :
肚臍報告出左係有細菌感染. 洗左肚臍好左小小. 帶左Vaseline同佢在換片時用.
9月12日上午 :
見到Eason肚臍邊生水豆. 馬上同護士講, 剛好有個穿便服的醫生在場(相信係大醫生). 轉頭醫生過來看, 發現水豆原來係一粒肚臍的分泌物, 醫生話唔係水豆, 係"那渣". 叫我每次換完片要用火酒去抺. 比你O唔O咀. 我咪話之前醫生話唔洗抺, 係咪真係用火酒, 可唔可以寫低等護士同佢整.
護士好主動話比我知現在停打之前的抗生素, 用之前另外一隻, 佢仲比我看個打針表, 我才知道Eason原本係打緊兩隻抗生素, 不過昨日又加左一隻, 現在大醫生話只需打最早個隻抗生素, 只需由9月9日起等一日來計7天. 後來護士又拿支Spray出來, 我問佢用來仲物, 佢話抺完肚臍再噴, 我問之前無的 ? 佢話一直都係吟用, 只不過剛好無貨, 現在返左貨. 跟手我緊係不停問護士係咪幫Eason洗肚臍.
用火酒同噴肚臍時Eason都無哭, 好乖.
9月12日下午 :
明顯肚臍好左好多, 不過竟然發現多左支藥膏. 原來Eason個Pat Pat 難左, 都好利害. 唔怪之得抱完放低佢就哭啦 ! 好可憐.
現在期望星期三Eason可以出院. 雖然座月只有三星期, 一日體力只可以去兩次醫院, 早上10點到, 1點返到家, Lunch後午睡一會, 4點多去醫院到7點多回到家. 其實唔係要比多D時間自己休息去令身體多 D人奶提供比Eason, 又唔係要返家與迪迪多D親子時間, 可能我真係會由早留到晚.
依晨入院當中我看到神的恩典, 細菌無入血. Eason雖然肚臍發炎加上打針, 但仲食得好好, 睡得好好. 10多分鐘就飲完5安奶(只係3星期人仔, 都好利害), 仲有出奇地我每次去座巴士都不用等, 一去到巴士站尾架巴士自然就會到, (架80k巴士平時要等10多分鐘), 你話神係咪好看顧我一家呢 ?
其實睇落去醫院好似好多問題, 但我明白同體諒, 每個護士人員都好好, 好細心答你, 只係佢地每人做法的不同出入, 而學醫生只係無吟多的經驗, 都好在有大醫生出手. 始終唔係佢地自己出的B就唔會好細心幫你照顧, 我只其望Eason快D返家, 希望你們也能為Eason禱告.
August 27 迪迪上學的第一天為使迪迪能在今早7點多起身, 在生BB前以經安排好他的日常生活時間表, 要Bonnie姐姐同亞De一起合作去實行, 而亞De就好乖吟10:30就上床睡覺. 因為我地唔睡, 佢就唔睡. 成日為要使他晚上去睡, 早上刷牙第各式各樣都好似趕鴨仔. 好吃力.
不過今早迪迪比Bonnie姐姐叫醒不單沒有哭, 而且仲自動自覺, 一切好順利.
頭兩天要亞De同佢一起返2個小時. 古唔到亞De竟然會問我佢穿什麼衣服. 我覺得亞De都大個仔了, 因為佢穿衣係只要舒服就得. 我當然答他 : 事但啦 ! 你古返九龍塘咩 ! 吟鬼熱.
迪迪出門口仲比我幫佢影相, 今日係穿運動服. 你睇佢好似上中學吟 ! Why ? 因為佢已經生鬍鬚了.  August 26 Eason 出世了Eason 8月21日下午出世, 重6.9磅. 樣子同哥哥迪迪好不同. 好C文. 好細粒. 完全唔係醫生講的中大碼, 又一發現醫學上的錯誤.
8月21日早上6:30我已經去到醫院, 希望早D到早D開刀, 因為係姑娘之前一日講的, 我係排第二個開刀.
樹不知原來係生產的高峰期, 一個又一個的Urgent要開刀, 令我由第2個變成第8個開刀. 我媽媽仲在出面好共期代見依晨第一面, 一等就等到晚上7:00才推出來.
其實阿寶送完我去醫院就上班, 因為姑娘話晚上才有得看BB, 點知又話可以在手術室外等.
我看到神的恩典, 我就竟然可以推出來的時候剛好是阿寶到達手術室門口, 仲可以同我同依晨一起影相.
你話凡事只要依靠神, 真係無有怕.
姑娘仲比依晨放在我"格肋底"推出手術室直上房間. 這成就左我亞婆以前從小就教我:{以前BB係從男人的"格肋底"出世, 後尾才改左女人生BB} 的理論.
上左房間個傷口Pain得好利害. 跟句醫院的做法, 開刀生完要48小時才比BB給媽媽照顧, 為了可以比依晨飲奶, 第2日（１２小時）我用我的鬥志去落床, 其他媽媽見到都想拍手, 一個2個都在講 :｛吓好利害， 我開完刀要兩日多才落到床｝
因為我計錯出院日期， 本來係星期二， 我以為係星期一， 所以我幫亞寶的大假安排早了一日， 我嘗試要求醫生比我星期一出院， 最後當然OK啦 ！
當日出院就真係吃力， 你知啦， 有錢地方就一定山Car 啦， 車唔到門口不在話下， 落車仲要行一段路． 本身行８分鐘， 我就行左２５分鐘， 阿寶Fu住我都好吃力．
今次個傷口比上次大， 又比上次Pain， 到現在５Days都好Pain.
我一直都以為依晨會同哥哥迪迪都係鬼仔樣， 同Size各樣應該吟上下， 點知完全係兩個樣．
２００６年８月２日的哥哥”陳凱迪”
 .jpg) ２００９年８月２１日的弟弟”陳依晨” August 20 明天早上7:00入院明天早上7:00入院, 可能中午開刀.
好快就見到Eason, 中文就"依晨", 好鬼鍾意個名, 希望佢一生依靠神, 不用人生走大圈.
英文係Yvonne個仔就 = Yvonne's Son. 太好了, 太有意思了. Ha Ha Ha Ha.........
其實我都可以出本"我的低能大肚之道", 因為我的低能使係好低能, 係咪都笑, 自己講自己笑. He He...
古唔到我都有兩個仔, 第時兩個小朋友拖住好似姐姐的媽咪出街, 真係好有趣.
其實我都可以拍"奇幻逆緣". 呵呵呵呵.......
懷孕過程好似好快, 又好似好內. 整個懷孕過程除了起初歐到想死吟, 其他都沒有好唔舒服.
心情其實都緊張左好內, 好快就可以放下心頭大石了.
現在我140磅, 42寸肚. Exactly同生迪迪的磅數同肚都一毛一樣. 希望收身的情況都一樣就好了.
生前都送句金句比大家:
我要向山舉目, 我的幫助從何而來, 我的幫助從造天地的耶和華而來. (詩篇121:1-2) August 17 仲有四日多就出世啦 !仲有四日多就出世啦 ! 身體一切都好正常, 心境又開心, 好期代"依晨"的出世, 所以成日都睡不著, 眼光光, 飲豬肉湯.
昨日同迪迪去看巴士展, 佢可以架巴士仲好開心, 都好感恩個肚成個羅吟大仲可以同迪迪四處去, 不過就唔會去吟遠, (本想去Park Island玩) 免得忽然作動啦. July 30 8個月3星期  因母愛的偉大, 完全走左個樣同身形, 只好要Eason 同Ah Pooh的合照.
8個月3星期的肚子, 仲有3星期就出世了, 心情無生迪迪吟緊張.
不過為幾件事緊張多D.
第一) 7月31日的最後工作日而興奮, 因為可以多些時間陪迪迪, 佢成日都唔想我返工, 我都知佢係屋企好悶.
第二) 8月2日的迪迪生日會 ! 今次會有廿多個4歲以下的BB, 一定會好開心的. 為左今次的生日會我數個月前就開始准備. 搵場地, 買禮物比到生日會的小朋友, 搵巴士蛋糕......, 其實我已經有好多晚為迪迪的生日會而睡不著了. 完全係未出發先興奮.
第三) 8月7日的BB展, 可以去買Eason的日用品.
第四) 過左Lee D事情就當然除時Ready生得啦 ! 出世應該有7磅幾, OK啦 ! |
.JPG)
.JPG)
.jpg)
.jpg)
.jpg)
.JPG)
.JPG)
.JPG)
.JPG)
.jpg)
|
|
